Itsasadarraren paduretaraino hedatzen da herri landatar eta lasai hau. Izenak esaten duen moduan, “bost urik” osatzen dute, bost auzok: San Kristobal, Axpe, San Bartolome, Paresi eta Altamira auzoek, hain zuzen ere.
Busturian, eskualdeko mahasti zaharrenetako batzuk daude, baita errege-bidea, Madariaga dorrea (gaur egun, Ekoetxea Urdaibai Euskadiko biodibertsitate-zentroa dago bertan), BBK Klima zentroa, San Antonio hondartza, Txirapozu jauregia eta abar ere, eta Urdaibaiko bidezidorren sareko ibilbide batzuk bertatik igarotzen dira.