Laida Mundakako itsasadarreko hondartzarik luzeena da, eta egun lasai batez gozatzeko, kirola egiteko edota tokiko gastronomiarekin atsegin hartzeko behar diren zerbitzu guztiak eskaintzen ditu.
Mareek etengabe eraldatzen diote silueta, eta, itsasbeheran, paseatzera bultzatzen duten irudi bitxiak eratzen dira. Hondartza inguratzen duen natura-ingurunea sekulako plazer-iturria da ikusmenerako, artadi kantauriarrak berdez margotzen baitu paisaia, itsasoaren urdinarekin kontrastean.
Piraguak, paddle surfean aritzeko tresnak eta bestelako ur-ekipoak alokatzen dituzten enpresak aurkituko dituzu hemen. Tokia ezin hobea da haurrak bainatzeko –helduen zaintzapean beti–, ur-putzu benetan dibertigarriak sortzen baitira itsasbeheran.
Aparkalekutik Laida hondartzara iristeko, hormigoi inprimatuzko arrapala bat dago; % 16ko malda dauka, eta, egurrezko pasabide baten bidez, dutxekin komunikatuta dago.
